“တကယ်ကောင်းတဲ့ဆေးဖြစ်အောင်”

ဆေးတွေဟာ လူတွေကို ကျန်ကျန်းမာမာနဲ့အသက်ရှည်ရှည်နေနိုင်ဖို့ ကူညီပေးပါတယ်။ သူတို့ကြောင့် သက်တောင့်သက်သာနေနိုင်လာပါတယ်။ ဝေဒနာခံစားရမှုတွေလျော့နည်းလာပါတယ်။ ကျွန်မတို့တွေက ဆေးတွေဆီက ကောင်းတဲ့အာနိသင်ကိုသာ အလိုရှိပေမယ့် သူတို့ကြောင့် ပြဿနာတွေပြန်ဖြစ်နိုင်တယ်ဆိုတာကိုလည်း မေ့ထားလို့ မရပါဘူး။ ဆေးတွေကို ခန္ဓာကိုယ်ကနေ တုံ့ပြန်မှုပေးရာကနေ ဆက်စပ်ပြီးဖြစ်ပေါ်လာတဲ့တချို့ ပြဿနာတွေဟာ မထူးဆန်းပေမယ့် လူတစ်ယောက်နဲ့တစ်ယောက်ခံရပုံချင်းမတူကြပါဘူး။ အချိန်ခဏိုင်းမျှသာံစားရပြီး ပြန်သက်သာ သွားတာမျိုးရှိသလို ဆေးရုံဆေးခန်းကို အချိန်မီသွားရောက်ဖို့လိုတဲ့အထိ ပြင်းထန်တာမျိုးကိုလည်း ကြုံတွေ့ရ တတ်ပါတယ်။

.

ဒီပြဿနာတွေကို ကျော်လွှားနိုင်ဖို့အတွက်ဆိုရင် လူနာတွေ၊ လူနာရှင်တွေအနေနဲ့ ဆေးတွေကို စနစ်တကျ သုံးစွဲဖို့လိုအပ်ပါတယ်။ အဲဒီအတွက် ဆရာဝန်တွေ၊ ဆေးဝါးပညာရှင်တွေထံကနေ လမ်းညွှန်မှုတွေကို ရယူနိုင်သလို မိမိတို့ကိုယ်တိုင် နားလည်ထားသင့်တဲ့ အခြေအနေတွေလည်း ရှိပါတယ်။ မိမိရဲ့ရောဂါ သက်သာစေဖို့ အသုံးပြုနေတဲ့ ဆေးဟာ မိမိအတွက် ကောင်းမွန်သင့်တော်တဲ့ဆေး ဖြစ်သင့်သလို စိတ်ချစွာနဲ့ သုံးစွဲနိုင်တဲ့ ခြေအနေမျိုးလည်း ဖြစ်ဖို့လိုပါတယ်။ ဒါကြောင့် ဆေးသုံးစွဲမယ့်သူတွေအနေနဲ့ မိမိသုံးလိုက်တဲ့ဆေးဟာ တကယ်ကောင်းတဲ့ ဆေးဖြစ်အောင် အချက် ၆ ချက်ကို လိုက်နာပေးဖို့လိုပါတယ်။

.

၁။ အချိန်မှန် ဆေးသောက်ရန်သတိရပါ။

အသက်ကြီးတဲ့သူတွေ၊ ဆေးတွေကို အချိန်ခွဲပြီးသောက်နေရတဲ့သူတွေဟာ ဆေးသောက်ဖို့မေ့တာ၊ ဆေးသောက်ချိန်ကျော်သွားတာမျိုး ဖြစ်တတ်ပါတယ်။ တချို့သူတွေကျတော့ ဆေးသောက်ပြီးသားကိုမေ့ပြီး ထပ်သောက် မိတတ်ပါတယ်။ ပိုးသတ်ဆေးလိုဆေးမျိုးဟာ ဆေး သောက်ချိန်အတိအကျထားရင် အလုပ်လုပ်တဲ့အာနိသင် ပိုကောင်း ပါတယ်။ ပိုးတွေက ဆေးယဉ်လာတာမျိုးကို ရှောင်နိုင်ဖို့အတွက်ဆိုရင် မိမိ ရောဂါအတွက် သင့်တော်တဲ့ဆေးတွေကို ပမာဏအပြည့်အဝ သောက်ဖို့က အရေးအကြီးဆုံးပါပဲ။

.

ဒါကြောင့် ဆရာဝန်က ဆေးအသစ်တစ်မျိုးကို ညွှန်ကြားလိုက်တဲ့အခါမျိုးမှာ အဲဒီဆေးနာမည်ကို အထပ်ထပ် အခါခါရွတ်ကြည့်ပါ။ စိတ်ထဲက ဖတ်ကြည့်ပါ။ အသံထွက်ပြီးပြောကြည့်ပါ။ စိတ်ထဲကစွဲသွားလောက်တဲ့အထိ ညွှန်ကြား ချက်တွေကို ပြောကြည့်ပါ။ အပြင်ကနေ ပြန်လာချိန်မှာ မြင်သာတဲ့နေရာမျိုးတွေမှာ သောက်ရမယ့် ဆေးနဲ့ပတ်သက်တဲ့ သတိပေးရုပ်ပုံတွေ၊ စာတမ်းတွေချိတ်ဆွဲထားရင်လည်း ဆေးသောက်ဖို့မမေ့ တော့ပါဘူး။

.

နောက်ထပ်လုပ်လို့ရသေးတာက ဆေးသောက်ပြီးကြောင်းအမှတ်အသားတွေ ထားဖို့ပါ။ တနေ့တာ သောက်ရမယ့် ဆေးတွေကို ဆေးဘူးငယ် တစ်ခုထဲထည့်ထားပြီး မနက်၊ နေ့လယ်၊ ည အလိုက် အကန့်လေးတွေခွဲ သိမ်းထားလိုက်ရင် ဆေးသောက်ဖို့ မေ့သွားတာ၊ ဆေးသောက်ချိန် ကျော်သွားတာမျိုးကို ရှောင်လို့ရသွားပါတယ်။ ဆေးသောက်ပြီးကြောင်းကို ပြက္ခဒိန်မှာအမှတ်အသားလုပ်ထားတဲ့နည်းလမ်းကလည်း အကျိုးရှိပါတယ်။

.

၂။ ဆရာဝန်ညွှန်ကြားတဲ့ ပမာဏအတိုင်းအတိအကျသောက်ပါ။

မိမိအသုံးပြုနေတဲ့ဆေးကြောင့် အန္တရာယ်ဖြစ်တာမျိုးကို ရှောင်ဖို့အတွက်ဆိုရင် ညွှန်ကြားချက်တွေအားလုံးကို လိုက်နာဖို့လိုအပ်ပါတယ်။ သောက်ရမယ့်ဆေးပမာဏ၊ ဆေးသုံးရမယ့်ပုံစံနဲ့ပတ်သက်ပြီး ဆရာဝန်တွေ၊ ဆေးဝါး ပညာရှင်တွေဟာ လိုအပ်တဲ့သတင်းအကုန်လုံးကို ပေးနိုင် ပါတယ်။ လူနာတွေအနေနဲ့လည်း အရင်တုန်းက မသုံးဖို့ တားထားတဲ့ဆေးကို အခုတစ်ခေါက်မှာပေးလာတဲ့အခါမျိုး၊ ညွှန်ကြားချက်တွေကို နားမလည်တာမျိုးရှိရင် ချက်ခြင်းမေး ဖို့လိုပါတယ်။

.

ဆေးသောက်ရင် သတိထားရတဲ့အုပ်စုထဲမှာ အသက်ကြီးတဲ့ အဖိုး၊ အဖွားတွေလည်း ပါဝင်ပါတယ်။ အသက်အရွယ်ပေါ်မူတည်ပြီး ခန္ဓာကိုယ် ထဲမှာ ဆေးတွေအလုပ်လုပ်တဲ့ပုံစံ ပြောင်းလဲသွားတတ်တာကြောင့် သူတို့ သောက်ရမယ့် ဆေးအမျိုးအစား၊ ဆေးပမာဏတွေဟာ လူငယ်တွေနဲ့ မတူညီတတ်ပါဘူး။ ဒါကြောင့် လူကြီးတွေ အတွက် ဆေးရွေးချယ်တဲ့အခါမျိုးမှာ သောက်ရမယ့်ဆေးပမာဏ၊ သောက်သင့်တဲ့ အခြေအနေတွေကို တတ်ကျွမ်းတဲ့ ပညာရှင်တွေနဲ့ ပထမဆုံးတိုင်ပင်ဆွေးနွေးသင့်ပါတယ်။ မိမိသသောနှင့်မိမိ ဆေးပမာဏပြောင်းလဲခြင်း၊ သောက်နေတဲ့ ဆေးအမျိုး အစားပြောင်းလဲပေးခြင်းမျိုးကို မလုပ်သင့်ပါဘူး။ လူကြီးတွေ ဆေးသောက်တဲ့အခါမှာ ဆေးလုံးကြီးလို့ မျိုချရခက်တာ၊ ဆေးကအတွင်းပိုင်းမှာ မြန်မြန်ပျော်သွားတာလိုမျိုး ပြဿနာတွေကို ရှောင်နိုင်ဖို့အတွက် ဆေးကို ရေအများကြီးနဲ့သောက်ပေးလို့ရပါတယ်။

.

ဆေးသောက်လိုက်လို့ မလိုလားအပ်တဲ့ ဘေးထွက်ဆိုးကျိုးတွေခံစားရလာရင် ဘယ်လိုအချိန်မှာဖြစ်တယ်။ ဘာတွေခံစားရတယ်၊ ဒီလက္ခဏာ တွေမပေါ်မှီ ဘယ်အချိန်လောက်က ဆေးကိုနောက်ဆုံးထားသောက်ခဲ့သလဲဆိုတာကို ချရေးထားပါ။ ဆေးသောက်လိုက်ပြီး အချိန်ဘယ်လောက် အတွင်းမှာ အဲဒီလို လက္ခဏာတွေပေါ်လာသလဲ၊ ခံစားရချိန်ဘယ်လောက်ကြာသလဲ၊ ဘာတွေဆက်ဖြစ်လဲဆိုတာကိုပါ မှတ်သားထားပြီး ဆရာဝန် နဲ့နောက် တစ်ကြိမ် ပြန်တွေ့တဲ့အခါမျိုးမှာ ပြန်ပြောပြဖို့လိုပါတယ်။

.

၃။ ဆေးတွေ ခန္ဓာကိုယ်ထဲမှာ အလုပ်လုပ်၊ မလုပ်ကိုစောင့်ကြည့်ပါ။


ဆေးတွေ ခန္ဓာကိုယ်ထဲမှာ အလုပ်လုပ်နေတာကို မိမိတို့ကိုယ်တိုင်သိနိုင်သလို ဆရာဝန်တွေကလည်း စမ်းသပ်စစ်ဆေးမှု တွေလုပ်ပြီး သိနိုင် ပါတယ်။ မိမိကိုယ်တိုင်သိဖို့ဆိုရင်တော့ အာရုံစူးစိုက်ဖို့လိုပါတယ်။ ဆေးမသောက် ခင်အချိန်နဲ့ ဆေးသောက်ပြီးချိန်မှာဖြစ်ပေါ်လာတဲ့ ပြောင်းလဲမှု တွေကို အာရုံစိုက်ကာ ချရေးထားပြီး ဆရာဝန်တွေ၊ ဆေးဝါးပညာရှင်တွေနဲ့တွေ့ဆုံချိန်မှာ ပြန်ပြောပြသင့်ပါတယ်။

.

ဒီဆေးတွေကို သောက်လိုက်တဲ့အတွက် ကျန်းမာရေးကို ဘယ်လိုအထောက်အကူပြုစေသလဲ၊ ဘယ်လိုပြောင်းလဲမှုမျိုးတွေဖြစ်နိုင်သလဲ၊ ဆေးသောက်လိုက်တဲ့အတွက် ရောဂါခံစား ရတာတွေသက်သာသွားနိုင်တဲ့အပြင် တခြားနောက်ဆက်တွဲ ပြဿနာတွေကိုပါခံစားရသလား ဆိုတာ ကို တတ်ကျွမ်း သူတွေနဲ့ တိုင်ပင်ဆွေးနွေးထား သင့်ပါတယ်။ အဲဒီလိုမျိုး မိမိကိုယ်ကို ပြန်ပြီး ဆန်းစစ်နေခြင်းကြောင့် ဘေးထွက်ဆိုးကျိုး ပြင်း ပြင်း ထန်ထန်ခံစား ရတာမျိုးကို ရှောင်နိုင်သလို ရောဂါမြန်မြန်ပျောက်အောင်လည်း ကူညီပေးနိုင်ပါတယ်။

.

သွေးတိုးရောဂါ၊ အဆီပိတ်ခြင်း၊ ဆီးချိုရောဂါတို့ကိုကုသတဲ့ဆေးတွေ၊ သွေးကျဲဆေးတွေသောက်နေတဲ့သူတွေ အတွက် ဆိုရင်တော့ ဆရာဝန်က သွေးကို စစ်ဆေးပြီး ရောဂါအခြေအနေတိုးတက်ကောင်းမွန်မှုကို သိနိုင်ပါတယ်။ တချို့ရောဂါတွေအတွက် ဆီးစစ်ရင်လည်း အခြေအနေမှန်ကို သိနိုင်ပါတယ်။ တကယ်လို့ ဆရာဝန်တစ်ယောက် ထက်ပိုပြီး ပြနေတဲ့သူ ဆိုရင်တော့ မိမိလုပ်ထားတဲ့ စစ်ဆေးမှုတွေ အကြောင်းကို အသိပေးဖို့လိုအပ်ပါတယ်။ သွေးပေါင်အတက်အကျ၊ သွေးတွင်းအဆီဓါတ်၊ ပုံမှန်နှလုံးခုန်သံ စတာတွေကို မှတ်သားထားတာကလည်း လူနာတွေကို အများကြီး အထောက်အကူရစေပါတယ်။

.

၎။ ဆေးအချင်းချင်းဓါတ်ပြုမှုတွေကို သတိထားပါ။

သောက်ရတဲ့ဆေးပမာဏများလာတာနဲ့အမျှ ဆေးအချင်းချင်းဓါတ်ပြုမှုတွေကိုပိုပြီး ကြုံတွေ့လာနိုင်ပါတယ်။ လူကြီးတွေမှာ ဆရာဝန်ညွန်ကြား တဲ့ဆေးတွေရော၊ ပုံမှန်သုံးစွဲနေကြဆေးတွေကိုပါ ပေါင်းလိုက်ရင် အနည်းဆုံး ဆေး ၃ မျိုးလောက်တော့ သောက်ရပါတယ်။ ဒါကြောင့် လူကြီး တွေဟာ တခြားသူတွေထက်စာရင် ဆေးရဲ့တန်ပြန်ဆိုးကျိုးတွေကို ပိုပြီးခံစားရတတ်ပါတယ်။ သူတို့အတွက် စိတ်အချရဆုံးဖြစ်ဖို့အတွက် ဆေးသောက်သုံးနေမှုနဲ့ပတ်သက်တဲ့ သီးခြား မှတ်တမ်းထားပြီး ဆရာဝန်နဲ့ တိုင်ပင်ဆွေးနွေးသင့်ပါတယ်။

.

ဆေးတွေဟာ အချင်းချင်းသာဓါတ်ပြုနိုင်တာမဟုတ်ပါဘူး။ စားသောက်လိုက်တဲ့ အစာအာဟာရတွေ၊ နေထိုင်မှု၊ လှုပ်ရှားမှုတွေ ပေါ်မူတည်ပြီး အာနိသင်အမျိုးမျိုး ပေးလာနိုင်ပေမယ့် လူတော်တော်များများကတော့ အဲဒါတွေကို သတိမထားမိကြပါဘူး။ ဒါကြောင့် ဆေးသောက် တော့မယ် အချိန်မှာ ဒီဆေးတွေဟာ တခြားဘာတွေနဲ့ ဓါတ်ပြုနိုင်သလဲ၊ ဘယ်လိုအစားအသောက်မျိုးတွေကို ရှောင်ဖို့ လိုသလဲဆိုတာကို ကြိုတင်မေးမြန်း ထားသင့်ပါတယ်။ ဆရာဝန် ညွှန်ကြားတဲ့ဆေးဖြစ်ဖြစ်၊ တခြား OTC ဆေးတွေပဲဖြစ်ဖြစ် သတိထားပေးဖို့လိုပါတယ်။ ဒီနေရာမှာ ဖြစ်နိုင်ချေရှိ လာနိုင်တဲ့ ဓါတ်ပြုမှုအချို့ကိုဖော်ပြလိုက်ပါတယ်။

.

(က) ဆေးဝါးနဲ့အရက်
OTC ဆေးတွေ၊ အပင်အနှံတွေကနေထုတ်ယူသုံးစွဲတဲ့ဆေး Herbal Medicines အပါအဝင်ဆေးတော်တော် များများဟာ အရက်နဲ့ ဆိုးဆိုးရွားရွား ဓါတ်ပြုနိုင်ပါတယ်။ ဘီယာ၊ ဝိုင်၊ ကော့တေးအပါအဝင် အရက်အားလုံးဟာ ဆေးတွေ အလုပ်လုပ်တဲ့ပုံစံကို ပြောင်းလဲပေးနိုင်ပါတယ်။ ဆေးတွေ ချေဖျက်မှုကို ဟန့်တားပေးသလို ဆေးတွေစွန့်ထုတ် မှုကိုလည်း အနှောင့်အယှက်ပေးတာကြောင့် လူတွေကို အန္တရာယ်ဖြစ်စေပါတယ်။ အထူး သဖြင့် နှလုံးရောဂါ၊ ဦးနှောက်နဲ့အာရုံကြောမှာအလုပ်လုပ်တဲ့ဆေးတွေကို သုံးစွဲနေရတဲ့အချိန်မျိုးမှာ အရက်သောက်လိုက်မိရင် နှလုံးခုန်သံ မမှန်တာကနေ မိမိကိုယ်ကို ဟန်ချက်ညီအောင်ထိန်းဖို့ခက်ခဲတာမျိုးအထိဖြစ်လာနိုင်ပါတယ်။ အသည်းရောဂါရှိနေ တဲ့သူတွေ အတွက် ပိုပြီးစိုးရိမ်ဖို့ကောင်းပါတယ်။

(ခ) ဆေးဝါးနဲ့ယာဉ်ကားမောင်းနှင်မှု
လေးလံထိုင်းမှိုင်းစေတဲ့အာနိသင်ရှိတဲ့ဆေးတွေ၊ အိပ်ငိုက်စေတဲ့အာနိသင်ရှိတဲ့ဆေးတွေကို သုံးစွဲပြီးချိန်မျိုးမှာ ယာဉ်တွေမောင်းနှင်မှု မလုပ်သင့်ပါဘူး။ ဆေးတွေကြောင့် မိမိကိုယ်ကို ဟန်ချက်ညီအောင်ထိန်းဖို့ခက်နေတဲ့ အချိန်မျိုးမှာ စက်ပစ္စည်းတွေကို ထိန်းချုပ်နိုင်စွမ်းလည်း နည်းနေပါတယ်။ ဒီလိုအခြေအနေမျိုးမှာ အသက် အန္တရာယ်မထိခိုက်ရလေအောင် အထူးသတိထားပေးရပါတယ်။ အသက်ကြီးလို့ မိမိကိုယ်ကို ထိန်းရခက်နေတဲ့ အခြေအနေမျိုးမှာ ဆေးတွေကြောင့်လည်း ပိုဆိုးလာနိုင်တာကို သတိရသင့်ပါတယ်။

.

ဆရာဝန်ညွှန်ကြားချက်နဲ့သောက်နေရတဲ့ဆေးတွေတောင်မှ ယာဉ်မောင်းရင်း အန္တရာယ်ဖြစ်စေတာကြောင့် ဆေးသောက်နေချိန်မှာ ကြုံတွေ့လာနိုင်တဲ့တုံ့ပြန်မှုတွေကို သတိထားပေးဖို့လိုပါတယ်။ ဆေးကြောင့် အိပ်ငိုက်ခြင်း၊ လေးလံထိုင်းမှိုင်းခြင်း၊ ခေါင်းကိုက်ခြင်း၊ မူးဝေခြင်းတို့ကို ခံစားလာတဲ့အချိန်မျိုးမှာ ကားမောင်းတာ၊ စက်ပစ္စည်းတွေ ကိုင်တွယ်နေတာတွေကို ဆက်မလုပ်သင့်တော့ပါဘူး။

.

ဆေးတစ်မျိုးသောက်ထားလို့ သူနဲ့ပတ်သက်တဲ့ အာနိသင် တစုံတရာမပြမချင်း စက်ပစ္စည်းတွေကို မကိုင်တွယ် ရပါဘူး။ ဆေးအသစ်တစ်မျိုးကို သောက်ပြီးလို့ ဒီဆေးကို ခန္ဓာကိုယ်က ဘယ်လိုတုံ့ပြန်တာလဲဆိုတာကို သိပြီးမှသာ ကားမောင်းသင့်ပါတယ်။ ဆေးကြောင့် ဘယ်လို ထိခိုက်မှုမျိုးကိုမှ မကြုံတွေ့ရအောင်ဆရာဝန်တွေကို မမေးမြန်းဘဲ အရက် ဒါမှမဟုတ် အရက်ပါတာတွေ သောက်သုံးတာကို ရှောင်ဖို့လိုပါတယ်။

.

(ဂ) ဆေးဝါးနဲ့အစားအစာ
စားသောက်လိုက်တဲ့အစားအစာတိုင်းဟာ ဆေးဝါးတွေ အလုပ်လုပ်တာကိုနှောင့်ယှက်ပေးပါတယ်။ အစားအစာ တွေကြောင့် ဆေးတွေရဲ့ဘေးထွက်ဆိုးကျိုးပိုပြီး ပြင်းထန်လာတာမျိုးရှိသလို အာနိသင်လျော့ကျသွားတာမျိုးလည်း ရှိပါတယ်။ ဆေးအမျိုးစားပေါ်မူတည်ပြီး အစားနဲ့ တွဲသောက်ရမယ့် ဆေးရှိသလို အစာအိမ်ထဲမှာ ဘာမှမရှိတဲ့အချိန် သောက်ရမယ့် ဆေးမျိုးလည်း ရှိပါတယ်။ ဆေးတစ်မျိုးနဲ့ တစ်မျိုးဖွဲ့ စည်းမှုပေါ်မူတည်ပြီး အစာနဲ့ တွဲသင့်၊ မတွဲသင့်ကွာခြားနေပါတယ်။ အဲဒီလို အစာနဲ့ဆေးတွေ ဓါတ်ပြုမှုဖြစ်တာမျိုးကို ကာကွယ်ဖို့အတွက် ဒီဆေးကို ဘယ်လိုသောက်ရမလဲဆိုတဲ့ ဆရာဝန်ရဲ့ ညွှန်ကြားချက်ကိုလိုက်နာဖို့လိုအပ်ပါတယ်။

.

ဆေးတွေဟာ အစားအသောက်နဲ့ဓါတ်ပြုနိုင်သလို အပင်အနှံကရတဲ့  Herbal Medicines တွေနဲ့လည်း ဓါတ်ပြုမှုတွေဖြစ်ကာ လူ့ကို အန္တရာယ်ဖြစ်စေပါတယ်။ အထူးသဖြင့် သွေးပျစ်ခြင်း၊ သွေးတိုးခြင်း၊ ဆီးကျိတ်ကြီးခြင်း၊ ဆီးချိုရောဂါ၊ နှလုံးရောဂါ၊ ပင်ကင်ဆန်ရောဂါ၊ စိတ်နဲ့ပတ်သက်တဲ့ရောဂါ၊ ကိုယ်ခံစွမ်းအားနဲ့ပတ်သက်တဲ့ရောဂါ၊ အခြားပြင်းထန်တဲ့ကူးစက်ရောဂါတို့ကိုခံစားနေရတဲ့အချိန်မှာ ဆရာဝန်တွေရဲ့ ညွှန်ကြားချက်မရှိဘဲ ဘယ်လိုဆေးမျိုးကိုမှ ထပ်ပေါင်းမသောက်သင့်ပါဘူး။ ဂျင်ဆင်းအားဆေး၊ ပျားရည်၊ ပန်းဝတ်မှုန်၊ နွယ်ချို၊ ကြက်သွန်ဖြူတို့ကနေ ထုတ်ထားတဲ့တိုင်းရင်းဆေးတွေဟာလည်း ဆရာဝန်ညွှန်ကြားထားတဲ့ဆေးတွေနဲ့ ဓါတ်ပြုမှုတွေဖြစ်နိုင်တယ် ဆိုတာ ကိုတော့ အားလုံးက သိထားသင့်ပါတယ်။

.

၅။ ဘေးထွက်ဆိုးကျိုးများကို ကြို၍လေ့လာထားပါ။

ဆေးတိုင်းဟာ ဘေးထွက်ဆိုးကျိုးကင်းတယ်ဆိုတာ သိပ်ပြီးတော့ မရှိပါဘူး။ အသက်ကြီးလာတာနဲ့အမျှ တချို့ဆေးတွေကို ခံနိုင်စွမ်းအားကျဆင်းလာပါတယ်။ ဆေးတွေကို စုပ်ယူတာ၊ ချေဖျက်တာတွေမှာ ငယ်ငယ် တုန်းကနဲ့မတူတော့ပါဘူး။ အဲဒီကနေ ဖြစ်ပေါ်လာတဲ့ ဘေးထွက်ဆိုးကျိုးတွေကို ဟန့်တားလို့မရပေမယ့် သက်သာ အောင်တော့ လုပ်ပေးနိုင်ပါတယ်။ မိမိရဲ့ဆရာဝန်ညွှန်ကြားချက်မရှိဘူးဆိုရင် ဆေးတွေရောသောက်တာမျိုးမလုပ်ဘဲ မိမိအတွက်ညွှန်ကြားထားတဲ့ဆေးကိုသာ သတ်မှတ်ထားတဲ့ရက်အတိုင်း သောက်သင့်ပါတယ်။ တခြားသူတွေသုံးတဲ့ ဆေးတွေကို မသုံးသင့်ပါဘူး။ သက်တမ်းကုန်ဆုံးနေတဲ့ဆေးတွေဟာ ပိုပြီးဆိုးရွားတဲ့ အန္တရာယ်ကိုဖြစ်စေတာကြောင့် မသောက်ဖြစ်အောင် သတိထားရပါတယ်။

.

ဆရာဝန်နဲ့တွေ့ဆုံတဲ့အခါမှာလည်း ဒီဆေးကြောင့် ဘယ်လိုမျိုးတွေ ခံစားရတယ်ဆိုတာကို ပြောပြဖို့လိုအပ်သလို နောက်ထပ်ကြုံတွေ့လာနိုင်တဲ့ လက္ခဏာတွေကိုလည်း မေးမြန်းထားသင့်ပါတယ်။ လက္ခဏာတွေက ပြင်းထန်တာကြောင့် ဆေးပမဏအတိုး အလျော့လုပ်လို့ရ၊မရကိုလည်း မေးပါ။ တကယ်လို့မိမိခံစားရတဲ့ ဘေးထွက်ဆိုးကျိုး အန္တရာယ်ဟာ အရမ်းပြင်းထန်တယ်ဆိုရင် နောက်တစ်မျိုးကို အစားထိုးသုံးလို့ရ၊ မရကို ဆရာဝန်နဲ့တွေ့ဆုံမေးမြန်းသင့်ပါတယ်။ ဆေးအသစ်တစ်မျိုးကို စတင်သုံးစွဲချိန်မှာ မိမိရဲ့ ခန္ဓာကိုယ်ကနေ ဘယ်လိုမျိုးတုံ့ပြန်ပေးသလဲဆိုတာကို အသေအချာ သတိထားရပါမယ်။

.

၆။ ဆေးတွေကို လုံခြုံတဲ့နေရာမှာ သိမ်းဆည်းပါ။

တော်တော်များများဟာဆေးတွေကို စုပေါင်းပြီး ဗူး၊ ခွက် တစ်ခုခုထဲမှာ ရောသိမ်းထားတတ်ပါတယ်။ အဲဒီလိုမျိုးပေါင်းထည့်ထားရင် ဆေးတွေဟာ တစ်မျိုးကို တစ်မျိုးက အပြန်အလှန်သက်ရောက်မှုတွေပေးကာ အာနိသင်တွေလျော့ကျသွားပါတယ်။ အဲဒီလိုမျိုးဆေးတွေသောက်လို့ ခေါင်းကိုက်ခြင်း၊ အမြင်အာရုံဝေ၀ါးခြင်း၊ နားအူခြင်း၊ ရင်တုန်ခြင်း၊ မူးဝေခြင်း၊ အနီကွက်ထခြင်း၊ ဝမ်းလျှောခြင်း၊ အစာမကြေခြင်းတို့ကို ကြုံတွေ့ရရင် သူတိုကို မသုံးစွဲသင့်တော့ပါဘူး။

.

နောက်ထပ် သတိထားရမှာက ဆေးတွေရဲ့ သက်တမ်းကိုပါ။ ဆေးတွေကို စပြီးထုတ်လုပ်တဲ့အချိန်တည်းက အချိန်အတိုင်းတစ်ခုအထိသာ သူတို့ရဲ့အာနိသင်ကို ထိန်းထားကြပါတယ်။ သတ်မှတ်ရက်ကုန်ဆုံးသွားတာနဲ့ ဆေးတွေရဲ့ ဖွဲ့စည်းမှုဟာ ပြောင်းလဲသွားပါတယ်။ အာနိသင်ပေးနိုင်စွမ်းလျော့ကျသွားပါတယ်။ တချို့ဆေးတွေကျတော့ သတ်မှတ် ရက်မကုန်သေးပေမယ့် အပူငွေ့၊ နေရောင်ခြည်၊ ရေငွေ့တို့ကြောင့် စောစီးစွာ ပျက်စီးနေတတ်ပါတယ်။ ဒါကြောင့် ဆေးတွေမှာ အရောင်ပြောင်းခြင်း၊ ပုံသဏ္ဍန်ပြောင်းလဲလာခြင်း၊ ကျိုးလွယ်ကြေလွယ်ခြင်း၊ ဆေးရည်များ အနည်ကျခြင်း တို့ကို ကြုံတွေု့လာရင် အဲဒီဆေးတွေကို ဆက်မသုံးတာက လူနာအတွက် ပိုပြီးအကျိုးရှိပါတယ်။

နှင်းနုလွင် (ဆေးဝါး)

Ziwaka Magazine