ကွန်ပျူတာနဲ့ မျက်စိ

ကျွန်မတို့နိုးထလာတဲ့ အချိန်ကနေ နောက်ဆုံးအိပ်တဲ့အချိန်အထိ စက္ကန့်မလပ် အလုပ်လုပ်နေရတဲ့ အစိတ်အပိုင်းတွေထဲမှာ မျက်စိလည်းပါပါတယ်။ လူတွေအားလုံးရဲ့ သင်ယူမှုတွေအနက် ၈ဝ ရာခိုင်နှုန်းကို အမြင်အာရုံ ကနေတဆင့် သင်ကြားနေပါတယ်။ ခြွင်းချက်အနေနဲ့ လူတန်းစားတချို့တလေတော့ ရှိပါတယ်။ ဒါကြောင့် အမြင်အာရုံဟာ နေ့စဉ်လှုပ်ရှားမှုတိုင်းအတွက် မရှိမဖြစ်ကို အရေးပါနေပါတယ်။ တိုးတက်လာတဲ့လူမှုအဖွဲ့အစည်းနဲ့အညီ ကွန်ပျူတာအသုံးတွင်ကျယ်လာတဲ့အတွက် မျက်စိအားစိုက်ရတဲ့ အလုပ်တွေဟာ ပိုပိုပြီးများလာပါတယ်။ ကွန်ပျူတာသုံးစွဲမှု ကြာမြင့်လာတာနဲ့အမျှ အမြင်အာရုံထိခိုက် ပျက်စီးမှုဟာ မမျှော်လင့်ထားတဲ့ ရန်သူတစ်ဦးလို ရုတ်တရက်ဝင်ရောက် လာတတ်ပါတယ်။ ကွန်ပျူတာသုံးစွဲမှုကြောင့် မျက်စိထိခိုက်ရတဲ့ အကြောင်းအရာတွေဟာ တစ်ချက်ထက်မက ရှိနေပါတယ်။

.

(၁) လှုပ်ရှားနေတဲ့ ကွန်ပျူတာမျက်နှာပြင်

ပထမဆုံးအချက်အနေနဲ့ ပြောရရင် ကွန်ပျူတာဖန်သားပြင်ပါ။ သမရိုးကျစာတစ်ပုဒ်ကိုဖတ်တာနဲ့ ကွန်ပျူတာကို သုံးပြီးဖတ်တာဟာ ကွာခြားမှုတွေရှိနေပါတယ်။ အဖြူရောင်စာမျက်နှာထက်မှာရှိနေတဲ့အနက်ရောင် စာလုံးလေးတွေဟာ သူတို့ဘာသာသူတို့ အလင်းမပြန်နိုင်ပေမယ့် အဖြူရောင်ဖန်သားပြင်ပေါ်က ရောင်စုံစာလုံးတွေဟာ သူတို့ဘာသာသူတို့ အရောင်တွေတောက်ပနေပါတယ်။ ဖန်သားပြင်က ထွက်လာတဲ့ အလင်းရောင်ဟာ ဘယ်တော့မှ အရောင်မှိန် သွားတယ်ဆိုတာ မရှိပါဘူး။

.

တစ်မိနစ်ကို အကြိမ် ၆ဝ ခန့် တဖျတ်ဖျတ်နဲ့ လက်နေတဲ့ စာလုံးတွေဟာ မျက်စိကို ထိခိုက်စေပါတယ်။ ဒီထက်နည်းတဲ့ အကြိမ်ရေဖြစ်ပေမယ့်လည်း ဒါဟာ မျက်စိကို Fluorescent အလင်းတန်းနဲ့ ထိုးနေတာနဲ့တူပါတယ်။ အသုံးပြုတဲ့စက်ရဲ့အနေအထား၊ အလင်းအမှောင် အချိန်အဆ ပေါ်မူတည်ပြီး အမြင်အာရုံ ထိခိုက်ပျက်စီးမှုတွေ ကွာခြားသွားတတ်ပါတယ်။ စာရေးတဲ့နေရာမှာလည်း ဒီအတိုင်းပါပဲ။ ပုံမှန်အတိုင်း စာမျက်နှာမှာချရေးတာနဲ့ ကွန်ပျူတာကိုသုံးပြီး စာရိုက်တာဟာ ကွာခြားမူတွေ ရှိနေပါတယ်။ ကွန်ပျူတာနဲ့ စာစီတဲ့အခါ ဖန်သားမျက်နှာပြင်ကို တချိန်လုံးစိုက်ကြည့်နေရတဲ့အတွက် မျက်စိကို ပိုပြီးထိခိုက်စေပါတယ်။

.

(၂) မျက်စိအနေအထား

ကွန်ပျူတာကို သုံးနေတဲ့အချိန်မှာ မျက်စိရဲ့ ပုံမှန်အနေအထားဟာ ပြောင်းလဲသွားပါတယ်။ စာအုပ်တစ်အုပ်၊ စာစောင်တစ်စောင်ကို ဖတ်တဲ့အချိန်မှာ မျက်စိနဲ့ အနည်းဆုံး ၁၄ လက်မကနေ ၁၆ လက်မလောက်အကွာဝေးမှာ ထားပြီးဖတ်လေ့ရှိပါတယ်။ မိမိဖတ်ချင်တဲ့ စာမျက်နှာကိုလည်း ၄ဝ ဒီဂရီလောက်ငုံပြီး ဖတ်ရပါတယ်။ ဒီလိုငုံ့ဖတ်တာဟာ ကြွက်သားတွေကို ဆွဲတင်းထားစရာမလိုဘဲ အလိုအလျောက် သဘာဝအတိုင်းလေးပဲ ခိုင်းစေတာနဲ့ တူပါတယ်။ ကွန်ပျူတာတော်တော်များများကိုသုံးတဲ့အခါမှာတော့ ဦးခေါင်းကို တည့်မတ်နေအောင်ထားရတဲ့အတွက် သဘာဝ ကျတယ်လို့ သတ်မှတ်လို့မရပါဘူး။ ကြွက်သားတွေဟာ တစ်ခုနဲ့တစ်ခု တွန်းကန်ပြီး တည့်မတ်နေအောင် ကြိုးစားရပါတယ်။ မျက်စိထဲမှာ ပုံရိပ်တွေ ရှင်းရှင်းလင်းလင်း မြင်ရဖို့အတွက်လည်း အာရုံအရမ်းစိုက်ထားရပါတယ်။ ကြာလာတာ နဲ့အမျှ ကြွက်သားတွေဟာ နုံးလာပြီး မျက်စိညောင်းတာ၊ ခေါင်းကိုက်တာမျိုးတွေ ဖြစ်လာပါတယ်။ ဦးခေါင်းကို ၁ဝ လက်မ လောက်ငုံပြီး သုံးလို့ရတဲ့ ကွန်ပျူတာမျိုးကတော့ ဒါကိုကာကွယ်နိုင်ပါတယ်။

.

(၃) စူးရှတောက်ပတဲ့ အလင်းရောင်

ရုံးတစ်ရုံးတည်းမှာပဲ အလင်း ရောင်ပြန်ထွက်နိုင်တဲ့ နေရာတွေက အမျိုးမျိုးရှိပါတယ်။ ရုံးခန်းအတွင်း ထွန်းထားတဲ့ မီးလုံး၊ မီးချောင်း၊ ပြင်ပကအလင်းရောင် ဝင်ရောက်မှု၊ အလင်းပြန်နိုင်တဲ့ မျက်နှာကျက်၊ ပြောင်ချောနေတဲ့ မျက်နှာပြင်ရှိတဲ့အရာတွေဟာ အများကြီးပါပဲ။ ကွန်ပျူတာသုံးနေတဲ့အချိန်မှာ ဦးခေါင်းကို တည့်မတ်နေအောင်ထားရတဲ့ အတွက် ပြင်ပကအလင်းရောင်၊ မျက်နှာကျက်က အလင်းရောင်တွေဟာ သတိမထားမိဘဲ မျက်စိကိုလာပြီး ရိုက်ခတ် ပါတယ်။ ဒါတွေကိုကာကွယ်ဖို့အတွက်ဆိုရင် ပြင်ပက အလင်းရောင်တွေ တိုက်ရိုက်မထိတွေ့ရအောင် ကာထားသင့် ပါတယ်။ ကွန်ပျူတာကို နေရာချတဲ့အခါ အလင်းထိုးနိုင်တဲ့နေရာမျိုးနဲ့လွတ်အောင် စဉ်းစားသင့်ပါတယ်။ ကွန်ပျူတာ မျက်နှာပြင်ကိုလည်း အကာလေးထားပြီးသုံးသင့်ပါတယ်။

.

ကွန်ပျူတာသုံးစွဲသူတစ်ယောက်ဟာ မျက်မှန်တပ်တဲ့သူဖြစ်နေရင် မျက်စိဆရာဝန်ဆီကို အချိန်မှန် သွားပြ ဖို့လိုအပ်ပါတယ်။ အဝေးကို ကြည်ကြည်လင်လင်မြင်ရဖို့သုံးတဲ့ မျက်မှန်တစ်လက်ဟာ ကွန်ပျူတာရှေ့မှာတော့ အသုံးဝင်သလား၊ မဝင်ဘူးလားဆိုတာ တိတိကျကျပြောလို့မရပါဘူး။ အထူးသဖြင့် အသက် ၄ဝ ပြည့်ပြီးသွား တဲ့သူ တစ်ယောက်ဟာ အရာဝတ္ထုတစ်ခုကို ဆုံချက်ထားပြီး ကြည့်ဖို့ခက်ခဲနေပါတယ်။ ဒါဟာ အသက်ကြီးလာချိန်မှာ ကြုံတွေ့ရတဲ့ မျက်စိရဲ့ စွမ်းဆောင်ရည်ကျဆင်းမှု ပြဿနာတစ်ရပ်ပါ။ ဒါတွေကိုထိန်းညှိပေးဖို့ဆိုရင် စာဖတ်တဲ့နေရာ၊ ကွန်ပျူတာသုံးတဲ့နေရာမှာ မျက်မှန်တစ်လက်ဆောင်ထားဖို့လိုပါတယ်။ အရင်က မျက်မှန်မတပ်ထားတဲ့ သူတစ်ယောက် ဆိုရင်လည်း မိမိကွန်ပျူတာသုံးစွဲနေတဲ့အကြောင်းကို ဆရာဝန်ကို သေသေချာချာပြောပြပြီး မျက်စိကို စမ်းသပ်သင့် ပါတယ်။

.

ကျွန်မတို့အားလုံးဟာ ကွန်ပျူတာကို မဖြစ်မနေ သုံးစွဲရနေရတဲ့အတွက် မျက်စိမထိခိုက်အောင် အရမ်းသတိ ထားရပါတယ်။ ကွန်ပျူတာကို သုံးနေတဲ့အချိန်မှာ ဘာတွေကို လုပ်သင့်တယ် ဆိုတာကိုပါ အမြဲထည့်သွင်း စဉ်းစား ထားသင့်ပါတယ်။ ဒီနေရာမှာ ကျွန်မတို့ လုံးဝမထင်မှတ်ထားတဲ့ အမူအကျင့်လေးတွေက ကျွန်မတို့ မျက်စိကို ကာကွယ်ပေးနေတာကို တွေ့ရပါတယ်။ အဲဒီအထဲက ပထမဆုံးလုပ်သင့်တဲ့ အချက်ဟာ မျက်တောင်ခတ်ဖို့ပါ။ မျက်တောင်ခတ်တာဟာ အလိုအလျောက်လုပ်ဆောင်ချက်တစ်ခုဖြစ်ပြီး ခန္ဓာကိုယ်မှာတော့  အလျင်မြန်ဆုံး တုံ့ပြန်နိုင်တဲ့ ဖြစ်စဉ်တစ်ခုပါပဲ။

.

ပုံမှန်ဆိုရင် လူတစ်ယောက်ဟာ တစ်မိနစ်ကို ၁၂ ကြိမ်ကနေ ၁၅ကြိမ်အထိ မျက်တောင် ခတ်နေပါတယ်။ စိတ်လှုပ်ရှားတဲ့အချိန်၊ တစ်စုံတစ်ရာရဲ့ လှုံဆော်မှုရှိနေတဲ့အချိန်၊ စိုးရိမ်ပူပန်နေတဲ့အချိန်၊ စကားပြောနေချိန်နဲ့ ကိုယ်လက်လှုပ်ရှားမှုပြုလုပ်နေတဲ့ အချိန်တွေမှာ မျက်တောင်ပိုခတ်ပါတယ်။ ဒါပေမယ့် ငြိမ်နေတဲ့အချိန်မျိုးမှာ ဆိုရင်တော့ မျက်တောင်ခတ်တာ နည်းသွားပါတယ်။ စာဖတ်နေချိန်၊ စဉ်းစားနေချိန်၊ တစ်စုံတစ်ခုကို အာရုံစိုက်လုပ်နေ ချိန်မျိုးမှာပိုသိသာပါတယ်။ ဒီလိုမျိုးအကြာကြီးစူးစိုက်ကြည့်တာဟာ မျက်စိကိုညောင်းလာစေပါတယ်။ ဒီအချိန်မှာ မျက်တောင်ခတ်ပေးတာဟာ မျက်လုံးကို ခေတ္တအနားရသွားစေသလို မျက်စိကိုသန့်စင်စေလိုက်တာနဲ့လည်း တူပါတယ်။ မျက်တောင်ခတ်လိုက်တဲ့အတွက် မျက်စိကို ပြန်ပြီးစိုစွတ်သွားစေကာ  အရာဝတ္ထုတွေကို ပိုပြီးရှင်းရှင်းလင်းလင်း မြင်နိုင်သွားပါတယ်။ ဒါကြောင့် ကွန်ပျူတာရှေ့မှာ ထိုင်နေတဲ့အချိန်တွေမှာ မျတ်တောင်ခတ်ပေးဖို့ သတိထားသင့်ပါတယ်။

.

အသက်ရှုသွင်း၊ ရှုထုတ်လုပ်တာဟာ ကျွန်မတို့ရဲ့ ဘဝတည်ဆောက်နေခြင်းပါပဲ။ အသက်ရှုတဲ့ ဖြစ်စဉ်ဟာ ခန္ဓာကိုယ်ထဲက ကာဗွန်ဒိုင်အောက်ဆိုဒ်နဲ့ ပြင်ပက အောက်ဆီဂျင်တို့ လဲလှယ်ယူလိုက်ခြင်းဖြစ်ပြီး ကျွန်မတို့ရဲ့ အစိတ်အပိုင်းအားလုံးကို ဒီဖြစ်စဉ်က လွှမ်းမိုးထားပါတယ်။ ကျွန်မတို့တွေဟာ စိတ်ဖိစီးမှုတစ်စုံတစ်ရာ ကြုံတွေ့ရတဲ့ အခါမှာ အသက်ရှုတာကို မေ့ထားကြလို့ အောက်ဆီဂျင်ရရှိမှု နည်းလာသလို ကြွက်သားတွေရဲ့ လှုပ်ရှားမှုကိုလည်း ထိန်းချုပ်ထားမိပါတယ်။ ကျွန်မတို့သတိမထားမိခင် ကြွက်သားတွေဟာ တောင့်တင်းလာပါတယ်။ ဒါကြောင့် ကွန်ပျူတာ ကို သုံးနေတဲ့ အချိန်မှာ မျက်စိမှာရှိတဲ့ ကြွက်သားတွေကို တင်းအားများများ မသက်ရောက်ရအောင် အသက်မှန်မှန်ရှုပေးသင့်ပါတယ်။ ဒါဟာ ကွန်ပျူတာသုံးနေစဉ်မျက်စိကို ကာကွယ်ခြင်းတစ်မျိုး လည်း ဖြစ်ပါတယ်။

.

ကွန်ပျူတာကို သုံးနေချိန်ဟာ ပြင်းပြင်းထန်ထန်အာရုံစိုက်ရတာဖြစ်လို့ အနားပေးဖို့လိုတယ်ဆိုတာ ငြင်းချက် ထုတ်လို့မရအောင် မှန်ကန်ပါတယ်။ ကျွန်မတို့ရဲ့မျက်စိဟာ နေရာတစ်ခုတည်းကိုပဲ အချိန်အကြာကြီး ဇောက်ချပြီး ကြည့်ရှုဖို့ တည်ရှိနေတာမဟုတ်ပါဘူး။ ဒါကြောင့် အလုပ်လုပ်နေရင်း ခဏ ခဏ အနားပေးဖို့ လိုပါတယ်။ အနားပေး တယ်ဆိုတဲ့နေရာမှာလည်း အနားပေးနည်းက သုံးမျိုးလောက်ရှိပါတယ်။ ပထမနည်းကိုတော့ ခေတ္တအနားပေးခြင်း (Micro Break) လို့သတ်မှတ်ပါတယ်။

.

ဒါကို ”၂ဝ၊၂ဝ၊၂ဝ” နည်းလမ်းလို့လည်း သတ်မှတ်ကြပါတယ်။ ကွန်ပျူတာရှေ့မှာ မိနစ် ၂ဝ ထိုင်ပြီးတိုင်း စက္ကန့် ၂ဝ လောက် အနားယူဖို့ပါ။ ကွန်ပျူတာကနေ ပေ၂ဝ လောက်အကွာအဝေးကို ကြည့်ပြီး အသက်မှန်မှန်ရှုသွင်း၊ ရှုထုတ်လုပ်တာ၊ မျက်တောင်ခတ်တာမျိုးကို လုပ်သင့်ပါတယ်။ တစ်နေရာတည်းကိုပဲ စူးစိုက်ကြည့်မနေဘဲ အနီးပတ်ဝန်း ကျင်ကို ခဏလောက် မျက်စိကစားကြည့်တာဟာ မိမိအလုပ်ကို မထိခိုက်စေသလို မျက်စိကိုလည်း ကာကွယ်ပေးပြီး သားဖြစ်နေပါတယ်။

.

နောက်ထပ်အနားပေးနည်းကတော့ အတော်အသင့် အနားပေးခြင်း (Mini Break) ပါ။ ဒါကတော့ အချိန် ၅မိနစ်လောက် အနားပေးတာကိုပြောတာပါ။ ကွန်ပျူတာနဲ့အလုပ်လုပ်ပြီးသွားလို့ ၁ နာရီပြည့်သွားတိုင်း မတ်တပ်ရပ်ပြီး ခြေဆန့်လက်ဆန့်တာမျိုး လုပ်သင့်ပါတယ်။ မျက်စိကို အပေါ်အောက်ရွှေ့တဲ့ လေ့ကျင့်ခန်းမျိုးလုပ်သင့်သလို တခြားသင့် တော်တဲ့နည်းလမ်းတွေကိုလည်း မျက်စိဆရာဝန်တွေဆီမှာ မေးမြန်းထားသင့်ပါတယ်။

.

နောက်ဆုံးအနားပေးတဲ့နည်းကတော့ ကြာရှည်အနားပေးခြင်း (Maxi Break) ပါ။ ဒါကတော့ ကော်ဖီသောက်ချိန်၊ နေ့လယ်စာ စားချိန်အနားပေးတဲ့ပုံစံမျိုးပါပဲ။ အလုပ်စားပွဲကနေထပြီး ဟိုဟိုဒီဒီလမ်းလျှောက်ပေးသင့်ပါတယ်။ လုပ်ဖော်ကိုင်ဖက်တွေဆီကို ဖုန်းခေါ်မယ့်အစား ခြေကျင်လျှောက်သွားတာမျိုးဟာ မျက်စိကို အနားပေးရာ ရောက်သလို သွေးစီးဆင်းမှုကိုလည်းကောင်းစေပါတယ်။ မိမိကိုလည်း လန်းဆန်းစေပါတယ်။ အလုပ်လုပ်လို့ နာရီအနည်း ငယ်ကြာပြီးတိုင်း ဒီလိုမျိုးလုပ်ပေးရပါမယ်။

.

ကွန်ပျူတာသုံးစွဲမှုနဲ့ပတ်သတ်ပြီး ဖြစ်ပေါ်လာတဲ့ မျက်စိပြဿနာတွေဟာ ခန့်မှန်းရခက်ပါတယ်။ ဘယ်လောက် အတိုင်းအတာလောက်အထိ ပြင်းထန်နိုင်သလဲဆိုတာကို တိတိကျကျပြောဖို့ ခက်ခဲပါတယ်။ မိမိသိထားတဲ့ အသိသဥာဟာ မျက်စိကို ကာကွယ်တဲ့နေရာမှာ သိပ်ကိုအဓိကကျပါတယ်။ ကျွန်မတို့ရဲ့ လုပ်ငန်းဆောင်တာတွေ ပြီးမြောက်ဖို့ ကွန်ပျူတာက ကူညီပေးသလို ကျွန်မတို့ကို ငွေကုန်၊ လူပင်ပန်းအောင်လည်း စွမ်းဆောင်နိုင်ပါတယ်။ သဘာဝ အတိုင်းမိခင်က ပေးလာတဲ့မျက်စိကို သဘာဝနည်းလမ်းတွေအတိုင်းပဲ ကာကွယ်ဖို့ ကြိုးစားရပါမယ်။ အမြင်အာရုံ ပျက်စီးတဲ့ အဆင့်အထိမရောက်သေးခင်ကတည်းက မျက်စိကို ကာကွယ်ချင်တယ်ဆိုရင် ”ကွန်ပျူတာသုံးတိုင်း ခဏ ခဏ အနားပေးပါ” လို့ အသိပေးလိုက်ပါတယ်။

                                                                   

နှင်းနုလွင် (ဆေးဝါး)

(Health For All – April, 2010)